ဒေါ်အောင်ဆန်းစုကြည်သို့ အိတ်ဖွင့်ပေးစာ

နေ့ စွဲ – ၂.၆.၂၀၁၂

ဒေါ်အောင်ဆန်းစုကြည်ထံသို့ ရွှေ့ပြောင်းဒေသရှိ ကျောင်းသား/သူ ကလေးသူငယ်များ၊ ဆရာ၊ဆရာမများ၏ ကိုယ်စား

မြန်မာ့ရွှေ့ပြောင်းဒေသ ဆရာ၊ ဆရာမများ အစည်းအရုံး (BMTA) ၏ အိတ်ဖွင့်ပေးစာ

သို့

လူထုခေါင်းဆောင် ဒေါ်အောင်ဆန်းစုကြည်ခင်ဗျား

မြန်မာ့ရွှေ့ပြောင်းဒေသ ဆရာ၊ဆရာမများ အစည်းအရုံးကို ၂၀၀၅ ခုနှစ်တွင် စတင် ထူထောင်ခဲ့သော အစည်းအရုံးဖြစ်ပြီး စတင်ထူထောင်ချိန်မှစ၍ အောက်ပါတာဝန်များကို ထမ်းဆောင်ခဲ့ပါသည်။

၁။ ရွေ့ပြောင်းဒေသရှိ ကျောင်းနေရွယ်ကလေးတိုင်း ပညာသင်ကြားနိုင်ခွင့် ရရှိစေရေး၊

၂။ ရွေ့ပြောင်းဒေသရှိ ဆရာ၊ ဆရာမများ၏ ဘဝရပ်တည်မှု လုံခြုံမှု ရှိစေရေး၊

၃။ ဆရာ၊ ဆရာမများ၏ သင်ကြားမှု အရည်အသွေးများ မြင့်မားလာစေရေး၊

၎။ ဒေသတွင်းနှင့် နိုင်ငံတကာ စံညွှန်းများနှင့် ကိုက်ညီသော သင်ရိုးညွှန်းတမ်းများ ပေါ်ပေါက်လာ စေရေး။

၅။ ဆရာ၊ဆရာမများ စည်းလုံးညီညွတ်မှု ပိုမိုရှိစေရေးနှင့်

၆။ ကလေးအများ၏ နိုင်ငံသားအသိစိတ်ဓါတ်နှင့် ကိုယ်ကျင့်တရားများ မြင့်မားလာစေရေးတို့ကို အလေးပေးဆောင်ရွက်ခဲ့ပါသည်။

ယခုအချိန်တွင် အနာဂတ် ASEAN one community policy အရ ဖြစ်ပေါ်လာမည့် ပညာရေး စံနှုန်းသတ်မှတ်ချက်များနှင့် လိုက်လျှောညီထွေမည့် ပညာရေးစနစ် တရပ် ပေါ်ပေါက် လာစေရန် ရွှေ့ပြောင်းဒေသရှိ ပညာရေးအဖွဲ့အစည်းများ အားလုံးနှင့် ပူးပေါင်းဆောင်ရွက် လျှက်ရှိပါသည်။

ယခုအခါ မြန်မာနိုင်ငံ၏ နိုင်ငံရေး အပြောင်းအလဲ အချို့စတင် ပေါ်ပေါက်လာပြီ ဖြစ်သော်လည်း၊ စီးပွားရေး၊ ကျန်းမာရေး၊ ပညာရေးနယ်ပယ်များတွင် အပြောင်းအလဲများ ပေါ်ပေါက်လာ စေရေးအတွက် အချိန်ကာလ အတိုင်းအတာ တစ်ခုအထိ လိုအပ်နေသေး သည်ဟု BMTA မှ ရှုမြင်ပါသည်။

ထို့အတူ စီးပွါးရေးအခက်အခဲကြောင့် ထိုင်းနိုင်ငံတွင် လာရောက်နေထိုင် အလုပ်လုပ်ကိုင်နေ ကြသော သိန်းနှင့်ချီသော မြန်မာရွှေ့ပြောင်း အလုပ်သမားများအတွက် လုံလောက်သော အလုပ် အကိုင် အခွင့်အလမ်းများ မပေါ်ပေါက်သေးသမျှ ထိုင်းနိုင်ငံတွင် ဆက်လက် လုပ်ကိုင် နေကြရမည် ဖြစ်သလို၊ သူတို့၏ သားသမီးများသည်လည်း ရွှေ့ပြောင်း စာသင်ကျောင်းများတွင် ဆက်လက် ရှိ နေကြရမည် ဖြစ်ပါသည်။

ထိုင်းနိုင်ငံ တာ့ခ်ခရိုင် တစ်ခုအတွင်းတွင်ပင် မြန်မာ တိုင်းရင်းသား အလုပ်သမား သိန်းနှင့်ချီ၍ လုပ်ကိုင်နေကြပြီး ကျောင်းနေရွယ် ကလေးငယ်များ လေးသောင်းကျော်ခန့် ရှိနေကာ ကလေးငယ် (၁၇၀၀၀) ခန့်သည် ရွှေ့ပြောင်းကျောင်းများတွင် ပညာသင်ယူ နေကြပါသည်။ ထိုကလေးများ ပညာသင်ကြားခွင့်ရရှိရေးအတွက် ဆရာ၊ဆရာမပေါင်း (၉၀၀) ခန့်သည် လွန်စွာနည်းပါးလှသော လခခံစားခွင့်ဖြင့် ကျောင်း ၈၀ နီးပါးခန့်တွင် အနစ်နာခံ ပညာသင်ပေးနေကြပါသည်။ ထိုမျှ များပြားလှသော ကလေးငယ်များ ပညာသင်ကြားခွင့် အခွင့်အရေးအတွက် ဆရာ၊ဆရာမများနှင့် ကျောင်းများလည်ပတ် ရပ်နိုင်ရေးအတွက် ရုပ်ဝတ္ထုပစ္စည်းမှစ၍၊ တရားမဝင်မှု၊ အသိအမှတ်ပြု မခံရသေးမှု စသော အခက်အခဲများစွာနှင့် ရင်ဆိုင်ဆောင်ရွက်နေရခြင်းလည်းဖြစ်ပါသည်။

မြန်မာနိုင်ငံသားများအားလုံးနှင့် နိုင်ငံတကာကပါ ချစ်ခင်လေးစားခံရသည့် ဒေါ်အောင်ဆန်းစုကြည် အနေဖြင့် ထိုင်းနိုင်ငံသို့ ရောက်ရှိကြုံကြိုက်သည့် အချိန်တွင် ရွေ့ပြောင်းကျောင်းများမှ ကလေးငယ်များနှင့် ဆရာ၊ဆရာမများ၏ အကျိုးအတွက် အောက်ပါအချက်များကို တိုက်တွန်းကူညီ ဆောင် ရွက်ပေးပါရန် လေးစားစွာဖြင့် တင်ပြတောင်းဆိုအပ်ပါသည်။

၁။ ကလေးငယ်များ၏ အနာဂတ်ကာလတွင် မြန်မာနိုင်ငံ၏ ပညာရေးစနစ်အတွင်း ပြန်လည် အသိ အမှတ်ပြုခံရစေရေး။

၂။ ဆရာ၊ဆရာမများ၏ လုပ်သက်များအတိုင်း မြန်မာနိုင်ငံ၏ ပညာရေးစနစ်တွင် ပြန်လည် အသိ အမှတ်ပြုခံရစေရေး။

၃။ အရည်အသွေးပြည့် ဆရာ၊ဆရာမများ မဆုံးရှုံးရစေရန် အတွက် လက်ရှိ ရွှေ့ပြောင်း အလုပ် သမားများထက်ပင် လုပ်ခခံစားခွင့်များ လျော့နည်းနေသည့် ဆရာ၊ဆရာမများ၏ လစာနှင့် ခံစားခွင့် အခွင့်အရေးကို အခြားအလုပ်သမားများနည်းတူ ရရှိခံစားနိုင်ရေး အတွက် နိုင်ငံတကာမှ ထောက်ပံ့ ပေးနေသော အလှူရှင်များထံ တိုက်တွန်း မေတ္တာရပ်ခံ ပေးပါရန်။

၎။ နယ်စပ်ဒေသနှင့် ပဋိပက္ခဖြစ်ပွားနေခဲ့သော ပြည်တွင်းဒေသများတွင် မွေးဖွားခဲ့ပြီး မည့်သည့် နိုင်ငံသားအဖြစ်မှ အသိအမှတ်ပြု မခံရသည့် ကလေးငယ်များအတွက် နိုင်ငံသား ဖြစ်ပိုင်ခွင့် အခွင့်အရေး များ ပြန်လည်ရရှိစေနိုင်ရေးကို တိုက်တွန်း တောင်းဆိုပေးပါရန်၊
၅။ လက်ရှိထိုင်းနိုင်ငံအတွင်း အခြေအနေအရ ဆက်လက်နေထိုင်နေရသော ကလေးငယ်များ၏ ဆက်လက်ပညာသင်ကြားနိုင်ရေးနှင့် ပညာရေးဆိုင်ရာ အသိအမှတ်ပြုခံရမှုများ ရရှိ နိုင်ရေးအတွက် ကူညီ ဆောင်ရွက်ပေးပါရန် အလေးအနက်မေတ္တာ ရပ်ခံအပ်ပါသည်။

မြန်မာနိုင်ငံသည် ဒီမိုကရေစီနိုင်ငံအဖြစ် စတင်ကူးပြောင်းနေပြီဖြစ်ရာ၊ ပြည်တွင်းရှိ ဘဝတူ ဆရာ၊ဆရာမများ၏ ဒီမိုကရေစီ အခွင့်အရေးအရ လွတ်လပ်စွာ အသင်းအဖွဲ့အဖြစ် ဖွဲ့စည်းနိုင်ခွင့် ရရှိစေရေးအတွက် မြန်မာ့ရွှေ့ပြောင်းဒေသ ဆရာ၊ဆရာမများ အစည်းအရုံးအနေဖြင့် တိုက်တွန်းတောင်းဆိုသွားမည်ဖြစ်သလို ဒေါ်အောင်ဆန်းစုကြည်နှင့် အမျိုးသားဒီမိုကရေစီ အဖွဲ့ချုပ်တို့ အနေဖြင့်လည်း ကူညီအားပေး တိုက်တွန်းဆောင်ရွက်ပေးပါရန် လေးစားစွာဖြင့် မေတ္တာရပ်ခံအပ်ပါ သည်။

ရိုသေလေးစားစွာဖြင့်

မန်းရွှေနှင်း

ဥက္ကဌ

မြန်မာ့ရွှေ့ပြောင်းဒေသ ဆရာ၊ ဆရာမများ အစည်းအရုံး

(BMTA)

This entry was posted in ထုတ်ပြန်ကြေငြာချက်, Burmese pages only. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s